眾新聞 Logo
眾新聞 CitizenNews
眾聞

石牆花解散 邵家臻:諗住夏天給一杯涼水,很可惜今日這個工作都做唔到


「花開花落有時盡,相逢相聚本無意,香港人最緊要保住條命。在今日的11點,石牆花正式宣布結束。」穿著白色襯衫的邵家臻站在石牆花門外公布決定,表示將會個別聯絡在囚者家屬,將剩餘物資分發。

他表示,石牆花成立9個月以來,經歷不同方面的壓力,政府官員近日的言論亦不免令事態升溫。而在剛過去的星期日晚,石牆花全體成員開會,一致同意解散。他指:「星期日有啲事發生了,不過唔可以喺呢度講。」並表明沒有政府人員私下與他接觸。

邵家臻今日宣布石牆花停運。黎家威攝

曾任社福界立法會議員的邵家臻,因2014年佔中案服刑8個月,2019年出獄。去年12月他成立「石牆花」,為牆內的人張羅物資、配對筆友、推動社會關注囚權。九個月後的今天,石牆花終也在解散浪潮中被捲走。邵家臻形容:「你同我都明白,無一啲無緣無故嘅結束,每個結束都一定有好大原因,我們唔能夠唔咁做。……留住條命最緊要。」

上周二(7日),保安局局長鄧炳強不點名批評,指有組織壟斷探訪物資供應,協助在囚人士建立特權和影響力,招攬追隨者,散播危害國安的種子。邵家臻同意,官員的說話令到事態升溫,但強調周日發生了一些事,令到石牆花全體成員即晚開會,並一致通過解散決定。他不願透露具體原因,但表明沒有政府人員私下接觸:「星期日有啲事發生咗,不過唔可以喺呢度講,(我哋)即刻夜晚何韻詩演唱會都唔睇,即刻傾。」

邵家臻表示,已經多番澄清不可能壟斷朱古力、護墊、內褲、原子筆等物資,「我哋已經澄清係誤會,解散後會否仲有法律責任,無得推測,我哋只能夠沉著面對。」解散之後,餘下的物資將會分發予有需要家屬、職員會遣散。

邵家臻又呼籲,在囚者家屬不必急於上來石牆花,會個別通知。石牆花共支援百多個在囚人士,被問到會否擔心解散後在囚者會失去支援,邵家臻沒有即時回應,眼眶漸漸泛起淚光,緊握雙手。邵語塞良久後,淚水沾濕了口罩,好不容易吐出幾個字:「我答唔到。」

邵家臻沉默落淚。黎家威攝

曾經在囚,到成立在囚者支援組織,以至今天連後援都當不了。邵家臻說:「最大嘅感受就係,在囚人士係社會好底層、好邊緣嘅人,社會好多時都會忽略,但正正因為佢哋最底層、最邊緣,喺佢哋身上所做嘅任何嘢都係更加重要。⋯⋯我哋諗住夏天俾杯涼水、凍天俾杯暖水,一個好卑微嘅工作、一個人道嘅工作,好可惜今日連呢個工作都做唔到。」

「其實我哋都已經係後衛,但而家後衛變前鋒、連後衛都唔能夠再做,所以大家一定要諗吓化整為零嘅時候可以點做,可能真係無組織,唔好話大台,連浮台都無。」至於會否繼續以其他形式支援在囚人士,邵家臻直言:「我完了,我完蛋了。」

接受傳媒訪問後,他躬一躬身、雙手合十,然後返回石牆花辦事處,臨別前仍是一句:「最緊要人冇事。」

石牆花今起停運,辦事處亦即時停止服務。黎家威攝



請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe