眾新聞 Logo
眾新聞 CitizenNews
眾聞

言語治療師總工會被取消登記 主席黎雯齡:願我哋守住心入面一片淨土


香港言語治療師總工會主席黎雯齡及外務副主席楊逸意,因「羊村繪本」被指串謀刊印煽動刊物還押至今。眾新聞今日取得工會上周收到、來自職工會登記局的信件,獲告知10月13日將會被「DQ」工會登記,理由是「工會正被用作與其宗旨或規則抵觸的用途」,違反《職工會條例》。

職工盟昨日轉載黎雯齡的獄中書,她在信中提到「好感激每日都有人嚟探我,每日下晝都好期待姑娘電話響同嗌我number,真係好開心,好多謝大家冇忘記我。」她說每一次書信都是接通世界的橋樑,信入面一字一句都很有重量。

黎雯齡在信中感言,她發現在獄中無人可以傾、無人可以給予意見,在有限資訊入面做決定很困難,但看到支聯會副主席鄒幸彤在高院獲保釋的文章,令她重新審視入獄的意義,以至如何看待自身的處境。「其實,你問我有冇被捕心理準備,係有嘅。就好似押我上庭個警察,佢都有問我有冇諗過變成呢個後果,然後佢再補一句:『不過你呢啲人係為信念㗎嘛,係咪?』」

她問道:「有心理準備等唔等於我做嘅事就係錯呢?或者我入嚟真係入得太匆忙,以致呢十幾日,個心態都係『早坐早着……橫掂都係法治已死,坐硬㗎啦』令她忽視整個被捕、上庭、還押嘅過程,本身係咪符合公義。」她坦言:「呢幾日我係坐得好安逸,每日都係食、瞓、痾、睇書信、睇報紙。雖然分唔到係真係好安逸,定係自己都呃埋自己,但似乎安逸、認命真係會令人放棄喺危難入面思考。」

她提醒自己,即使身陷囹圄,都不能夠放棄思考,一旦習慣,就會放棄掙扎,令本身屬於自己的權利都放棄,絕對非常危險。「放眼而家嘅社會,現實固然越嚟越殘酷,但心態能夠影響我哋點樣看待呢個社會同現實。肉身能夠被囚禁,但思想唔可以,但願我哋都能夠守住心入面嘅一片淨土。」

香港言語治療師總工會上周收到被「DQ」的信件。



請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe