眾新聞 Logo
眾新聞 CitizenNews
眾聞

DIY蘋果書籤作記念 設計者:提醒自己不要忘記蘋果


在《蘋果日報》印刷著最後一紙的那夜凌晨,Will在討論區上傳了一張DIY蘋果書籤相片,至今已獲逾7000「正皮」。書籤表面是《蘋果》的 logo,但如果將logo拆開,就看到裡面「果籽」的logo,而書籤上寫有「留下來的人」。Will 指,創作這張書籤是想提醒自己「不要忘記《蘋果》」。

Will 接受訪問指,創作意念是得知《蘋果日報》要停止出版,「就想為《蘋果日報》出返一分力,表達自己嘅心意,同埋整嗰書籤出嚟,等自己唔會唔記得《蘋果日報》。」Will 為製作書籤,花了約12個小時,先在電腦畫圖,然後使用3D影印機打印樣本,經慢慢修改,再用模型噴油上色。

至於書籤上「留下來的人」,是沿用《蘋果日報》在反修例運動兩週年頭版的一個hashtag。他覺得自己選擇留在香港,做自己堅持做的事,正是一個「留下來的人」 ︰「(我)做創作,發明一啲呢個世界冇嘅野,發明一啲幫到人嘅發明品。」所以他對這個hashtag 很有共鳴,選擇把這句印在書籤上。

圖片由受訪者提供

《蘋果日報》拆開後搖身一變成「果籽」,Will 指自己除了看《蘋果日報》外,亦愛看「果籽」,「如果淨係整《蘋果日報》logo,好似忽略咗『果籽』咁。」他指,自己喜歡閱讀《蘋果》,認為報道比其他報紙較全面,「睇到多啲唔同角度嘅資訊,令我距離真相近一步」。而他亦喜歡「果籽」題材較輕鬆,「唔同時間睇唔同嘢,放假就睇下『果籽』,睇下去旅行、餐廳介紹、或者生活用品,平時喺公司就睇下港聞。」

Will 由中學開始成為《蘋果》讀者,對於蘋果最後一日出版,他感到唏噓,「因為呢份報紙睇咗好多年,知道之後再睇唔到,就會有種好唏噓感覺。但同時見到蘋果員工在最後一刻都好努力,堅持到最後,盡心盡力在最後的報紙做報道,我好欣賞。」Will 寄語《蘋果》員工加油,做自己認為正確的事,「我覺得一樣嘢結束,其實係代表另一樣嘢開始,堅持落去做自己認為啱嘅嘢,結果永遠唔會令人失望。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe