眾新聞 Logo
眾新聞 CitizenNews
眾聞

蘋果政治記者:新聞自由靠前線記者繼續發問來守住


「林太你話唔會打壓新聞自由,但我有好多同事嚟緊都無得再採訪,你話國安法淨係影響一小撮人,但間公司有800幾人被迫失業。林太你可唔可以回應下?」在蘋果任職十多年的政治版記者M,今早在行政會議上大喊了問題,但林鄭頭也不回便離開。雖然如對空氣發問,但記者M深信新聞自由看似捉不到摸不的東西,其實就是靠著記者向高官一個個公開的發問,來牢牢守護著。

這應該是M最後一次以蘋果記者身份向特首林鄭發問,他希望得到林鄭的回應,但林鄭匆匆轉身離開,他無奈地反問:「咁呢個如果唔係對新聞自由嗰個影響,咁係乜嘢呢?」

《蘋果日報》因資金被凍結、集團其他資源未能支援業務等,料於周五結束,無法繼續營運,任職蘋果十多年的政治組記者M昨日亦與同事互相打氣、道別,「希望可以好快就有機會再相聚,就算我哋唔再係同事,但我哋本身好多都係朋友,我諗我哋呢份情誼會繼續落去,姐係唔會話因為呢間公司結束咗就完結。」

他現抱着「做到幾多得幾多」的心態繼續工作,同事們也仍在僅餘的空間,做可做的事。他表示暫時未知應作甚麼打算

「因為最近發生嘅野太快,即係唔止係傳媒空間,成個香港都係,我諗香港人點樣去適應呢個環境,大家都係仲係掌握緊,所以未知有咩安排住。」

他又指出現時不少記者未能掌握國安法的紅線,䆁義不清晰會形成白色恐怖。經記者多次追問後,政府亦只回應可從法庭判決中得悉,「如果要去到咁樣先知道,付出個代價可能好大。」他指若政府有心維護新聞自由,應避免上述情況發生。

他認為現時傳媒環境正急劇收窄,能否繼續做記者要視乎環境變化。對新聞自由的前景,他認為要倚靠前線記者繼續發問,幫助市民監察政府。

「我覺得依家最緊要嘅係靠依度咁多位(記者)繼續去幫香港人守住,即係其實係得我哋呢一班人有個機會可以坐喺度,每個禮拜又坐喺度去問林鄭一啲香港人會關心、想知嘅嘢。」

昨日有不少員工手捧紙箱、手提一袋二袋離開蘋果大樓。鄭卓伶攝



請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe