今朝泳池開返，我晨早撲去沙田賽馬會泳池，我係第82人，全個泳池只限105人，分分鐘爆額冇得游。
問題是，沙田賽馬會泳池是一級池，內有大小池、集泳池共七個泳池，但是只開一個副池，於是就把所有泳客谷晒去這中童池，其他習一、習二、訓練池，全部用來曬太陽！
把所有泳客、練水泳手全部谷埋一齊在中童池，豈不是增加聚集機會？儍的嗎？起碼為什麼不開埋習一習二、訓練池，打散泳客？
105人好易滿，於是不能入場的人又再泳池門口聚集等攞籌，豈不是又增加感染機會？
你話更衣室沖涼會增加感染機會，又唔係喎，沙田泳池兩個沖涼更衣室，又只開一個喎，儍的嗎？
至於海灘，更加離譜，全港海灘只有十五個開，於是又將泳客全部谷曬去淺水灣，黃金海岸，豈不是又增加感染機會，打散泳客，應該是馬上把所有泳灘全部開晒！
總之咁樣嘅政府，今次由禁開泳池120天，到今日重開的安排，對於游水界來講真是一場大災難，完全不知所謂，好像要務求把人谷埋一齊為止，應該把這些每個月逗幾十萬的官員捉去泳池、深水灣浸水，清醒豬腦。
