眾新聞 Logo
眾新聞 CitizenNews
眾說

香港游泳教練要車公打救!


昨日有萬七咁多人去車公廟轉風車轉運 ,但是香港游泳教練們最近就行咗大衰運。

車公廟又關游水教練咩事呀?

原來特府宣佈18號起,開放健身室、遊戲機中心、室內室外體育設施,打機中心,甚至美容院、按摩院等緊密接觸場所,但係提都未提過幾時開泳池。

游水界已經接近三個月冇工開了,認識的有兩個游泳教練轉行揸的士,另一個就送食物速遞,唔知佢需唔需要表演——游蝶式速遞食物上游艇呢?

很明顯政府有些人認為游泳池是高危地點。

其實游泳池,絕對比昨天萬七人車公廟拜神安全。在泳池游水全身被水包住,只是間中「蒲頭」出來,泳池水中有國際標準的氯氣及臭氧消毒——愛滋、依波拉病毒都死,絕對比什麼1.5米距離更加安全。

而且現在是冬天,游泳的人是夏天的十分之一,絕對不會好像今天車公廟的People mountain people sea的場面。你是泳者,也會自己揀一條綫來游,越接觸越少人越好,冇人咁蠢會在水中建成人堆,儍的嗎?

很多游水會、教練會已經去信政府不知道多少次,舉出大把游池其實很安全的資料,例如武漢肺炎從未在世界上有在泳池爆發過。

而且泳池入閘,登記及安心出行都比周街跑步準確啦,容易管理。各教練會近一個月已經不斷去信政府,結果就是——政府連提泳池兩個字都冇提過,更加冇講泳池會幾時開,完全當各泳會的意見人間蒸發!

這個政府就是這樣,專業人士的意見不聽,法律上就不聽大律師公會意見,開游泳池又不聽泳會、游水教練的意見,竟會得出——打機鋪、按摩院、健身院比泳池安全的決定,這個政府頭腦灌水,外行領導內行,不知所謂。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe