眾新聞 Logo
眾新聞 CitizenNews
眾說

香港絕對不可以像緬甸人般敲碗敲水桶


現在香港搞到連緬甸也遠遠不如。

大把後生仔女不知道緬甸曾經也是英國殖民地,當年在仰光大學畢業,是英聯邦承認的學位, 同Hong Kong U平起平坐,昂山素姬的老豆就在哪裏畢業,以前緬甸的幾十年首都仰光,是拍得住新加坡的東南亞出曬名鳥語花香的大城市。

但自從1948年緬甸脫離英國獨立後,什麼——「緬甸軍政府」,好像成日都是在開槍開炮 ,人民又唔係食得好飽,又要爭取民主,冇乜好日子過 ,前輩們講返——當時好在香港仍是英國統治,有馬仔賭,有自由,有得搵食,有安全。

緬甸人民以敲打鍋蓋鐵盒水盆等物品發聲,抗議軍政府接管。美聯社
網絡照片

現在唔同啦!自從緬甸軍佬拉咗昂山素姬之後,緬甸人日日在家中敲碗敲碟敲水桶抗議,愈演愈烈,跟住呢幾日仲萬人上街遊行,今天仲話要準備——全民大罷工⋯⋯好似比香港自由得多喎,今日我們竟然要羨慕緬甸人有遊行的自由!

你想想今天如果在香港你落街用棍敲碗敲樽敲水桶,分分鐘俾特區政府借機鋤你幾條罪——「藏有攻擊性武器」、「公眾地方行為不檢」,還有可能像告傑斯那樣——「作出具煽動意圖的行為」!你夠膽遊行,馬上鋤你衰599G限聚令,罰你五千玩殘你,跟住還有國安法⋯⋯

一向自由的香港人,竟然今日要羨慕緬甸人有得遊行。

而緬甸軍佬,也是——絕不手軟之輩,分分鐘——讓子彈飛,血流成河。而緬甸人卻也非常英勇,視死如歸,氣壯山河,原來民主、自由,對全人類係咁重要的。

講返轉頭,香港現在搞到連——「作出具煽動性意圖的行為」,咁嘅罪名都告得出,不是仲衰過緬甸是什麼!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe