朋友是的士佬，政府最近規定要強制檢測深喉武肺，否則聖誕節期間冇得揸的士，於是打電話預約了，今日下午二時去大埔驗，順便車埋我，諗住很快驗完深喉齊去下午茶潤下喉。
去到檢驗中心，原來是在巴士總站旁邊臨時的帳篷，日曬雨淋，一問之下，原來連埋攞樽、連埋深喉，排隊要一個半鐘頭！
可能以為的士佬平日冇運動，一於罰企作運動 ！不過如果冬天一落雨企粒半鐘，都幾係嘢。
嘩，搵食車，無端端排隊一個半鐘，朋友一怒之下——唔驗啦，過幾日再打電話再約過。排隊的各位師兄當然是一片媽聲——「今日驗完冇事不代表明天冇事，前一排有百幾萬人被大陸深喉驗完，咪一樣係第四波疫情仲勁過第三波，那麼驗嚟做咩！」
浪費的士佬搵食時間、浪費護士人力金錢、正一勞民傷財但又打空槍，典型特衰區政府屁股指揮腦袋的行為。
