眾新聞 Logo
眾新聞 CitizenNews
眾說

靠你喇雷鼎鳴


被稱為港版健康碼的安心出行程式來勢洶洶,宇宙最強抗疫護士陳肇始表示政府會要求所有開放營業的餐飲業務及表列處所申請安心出行二維碼,甚至已經有聲音表示考慮將強制市民使用安心出行應用程式。不過陳護士又冇聽書啦。政府專家顧問小組成員袁國勇教授表示,性工作者有機會導致社區隱形傳播險。事實亦證明,之前尖沙咀China Secret群組有機會涉及性工作者,本月初一名在大圍鳳樓及旺角東方泛達酒店工作的妓女確診,最近也有旺角建興大廈嫖客確診。究竟安心出行程式能否找出相關的傳播鏈呢?答案係可以嘅,不過首先要雷鼎鳴在香港引入叫雞用支付寶畀錢。

坦白說,如果一位普通市民在餐廳聚餐後確診,會否感到尷尬,然後拒絕披露自己的行蹤呢?答案是不會的,除非該名市民不是在進食,而是在偷食。正常人午飯時間需要到餐廳進食是常識吧。晚餐時段相約朋友又何罪之有?究竟有什麼行為,病患者會不夠膽披露行蹤呢?答案就係唔見得光的行為。光明正大打邊爐燒嘢食使死咩,最多畀張竹君鬧生活多姿多彩。相反,如果活動唔見得光,咁就另計。就算你有安心出行程式又有乜用?唔通妓女會將二維碼貼在鳳樓門口?就算係二維碼,相信都係用嚟畀客人睇板,而唔係記錄自己的行蹤。一個唔該屋企另一半見到自己老公無情情走咗去旺角建興大廈,你估老婆會唔會大興問罪之師?除非有雷鼎鳴出手,以後召妓只可以用支付寶俾肉金,否則正常嫖客應該唔會咁大方向衛生防護中心職員表示過去一星期召過幾多次妓,甚至分享性經驗。

一般低風險活動,就算沒有安心出行程式,普通市民行得正企得正怕,乜嘢同你講食咗幾多好西,唔通食飯犯法㗎!相反,要除低口罩嘅激烈運動,發生咗邊個會咁大方周圍開心share?安心出行程式真係好有用,如果有人傻到週街同人講自己偷食咗幾多次啦!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe