眾新聞 Logo
眾新聞 CitizenNews
眾說

港大舍堂次文化雜談(下):Standing Order與Hall Education


筆者按:今日有朋友send呢段片過黎問我:「嘩HKU D Hall係咪真係咁架?好癲呀!!」談起大學舍堂,真係一講D回憶就番哂黎。我Year 1 做過 Freshman、Year 2 上莊搞Hall O、Year 3 做組爸組媽(但Year 3 Sem 2就 Quit 左 Hall XD);但唔計讀碩士,不得不承認自己已經離開左大學一段時間,可能同而家Freshman過的Hall O已經有一段距離(不過聽落 3 大Programme 模式都係差唔多,似乎改變不大)。究竟HKU D Hall係咪真係咁「恐怖」?

片中所談的都係真實的,而且已經是好少少的情況。一日訓到2-3個鐘已經算好,1-2個鐘或者通一兩晚頂都有聽過。唔知而家有無,但我有聽聞有D Hall會要求Freshman有最minimum的訓覺時間,我個人就相當贊成。另外所謂10日迎新,其實唔係十日,應該是夾埋11日,因為仲有所謂Day 0(諗番都覺得好癲,點解要咁...)。因為文太長,決定分上下兩篇刊出。】

港大舍堂次文化雜談(上):迎新與仙制

談Standing Order—其實是有用嘅...

Standing Order 呢樣野其實我之前都有寫過文,其實不止適用於Hall,而是HKU 一般正統答問大會必要學識的規矩。《學苑》指出,Standing Order「原意為節省時間、提高議事效率,故此對會眾的發言內容要求甚高。除了賦予主席更大權力以控制會議進度外,亦明文禁止回答者「答非所問」。當台下會眾認定發言者離題,便可隨時提出規程問題打斷其發言。」

點解諮詢者要用「震撼性的聲音」大罵,呢個就同仙制有關,其實Standing Order 本身的用意是不錯。我認為Standing Order 有用,但同時其實應要容許被諮詢者有回應機會。但迎新的MO時間委實太長(即係會運用Standing Order作為諮詢的活動)、亦無大作用,遺下的只是一堆寫到變龍飛鳳舞的Notes(不錯,HMO 是規定帶紙筆寫Notes...)、同埋打瞌睡到不行然後不斷被罵的回憶吧...~

照片來源:港大利瑪竇宿舍網站

談Hall Education—高壓背後有理由?

作為一個上過港大Hall莊嘅人,我諗我都叫可以講下當初Hall Ed用意(都係一個流傳說法)。話說以前入HKU的人係會好囂張、因為都叫做係「天之驕子」,仙制的作用就是透過「嚴肅認真」方式,等D新鮮人入到嚟,知道自己唔係「天之驕子」,要識得融入舍堂生活咁話;但之後仙制有無變質就係後話。

而這一兩年社會動盪、加上疫情等等,當我們面對著一個如此這般的大時代、舍堂這種次文化其實真係好微小的嘢。到底仲有無「承傳」價值?Hall Spirit係重要、但對個人、對社會以致世界,又有幾大意義?我都實在很懷疑這有沒有保留價值。

另外,住Hall住到屋企又唔番、讀書又唔理者比比皆是,當時我就識人住Hall住到要Quit U咁滯。入得HKU,明明讀書能力一定有番咁上下,點可以搞到要Quit U?又點解會願意被洗腦式接受一套咁嘅文化?另外話說本人住的Hall近醫學院,會有較多醫科生住,但住 Hall 太多活動弄至成績低迷或經常勉強碌過者也有不少。回想起來,這始終是份與生命相關職業,住 Hall 不是問題,但要好好兼顧到學業才可吧。

回頭睇番,住Hall日子俾我的感覺是五隻字:瘋狂的青春。那種瘋狂不是少少瘋狂、而是你會奇怪自己點解會可以在這種次文化中生存的瘋狂,而且明明這班人理應是社會中「精英中的精英」。我不諱言這有點像邪教洗腦,而這種次文化更像是社會的縮影——像「多年的媳婦熬成婆」一般,你今日被人欺壓、他朝有天你成為欺壓人的人,而彼此從來不會問「點解會咁?」會唔會他朝零零後年青人,也會成為好似而家香港政府果班PK咁,去欺壓未來下一代?其實諗到呢個層面,自己都覺得有少少恐怖。

最後,我想分享當年一位堂友對舍堂的睇法:入港大住 Hall 好似打邊爐咁。你放咩野食入去,你最後夾番的未必是嗰D;但就好視乎你想帶 D 咩走(好似好言之有物咁?)。住 Hall 仍然是一屆人的集體回憶;不過究竟仲係咪要用呢種方式,定係問心佢只是讓初出矛蘆的小伙子嘗試擁有權力的滋味,呢點就由番住緊 Hall/住過 Hall /未住過 Hall 的大家去諗了。 


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe